carteira

Utensilio de material flexible, como o coiro, xeralmente rectangular e de tamaño axeitado para poder ser levada no peto no bolso, con departamentos onde se gardan billetes, documentos etc.

Etimoloxía

Formouse a partir de carta, tomada do latín charta –ae ‘folla para escribir’, de orixe grega.

Exemplos

“Aínda se levase no peto unha carteira cheíña de cartos ou un Roskof de prata, xa sería outra cousa.” (Hixinio Puentes: O bandido Casanova)

“Saquei a carteira e volvín contar o diñeiro, os caixeiros botan os billetes tan noviños que cando vas pagar ás veces dás dous xuntos.” (Xosé Cid Cabido: Oralmente pola boca)