concerto

Composición musical extensa, para un ou varios instrumentos con acompañamento da orquestra.

Etimoloxía

Con este sentido, tomouse da forma idéntica do italiano.

Exemplos *

“... penso que non hai nada tan extraordinario na interpretación violinística como ese concerto de Brahms, o único que Brahms compuxo para este instrumento.” (Manuel Forcadela: Paisaxe con muller e barco)

“As miñas pálpebras construían con paciencia unha capa de balor. Espertáronme os acordes suaves do segundo concerto para piano de Rachmáninov.” (Aníbal C. Malvar: Un home que xaceu aquí)

* As citas da Palabra do Día respectan as escollas ortográficas e morfolóxicas da edición referida.