consonante

Que presenta rima en todos os sons.

Etimoloxía

Vén do latín consonans –antis, participio de consonare ‘soar conxuntamente’.

Exemplos *

“... versos de rima consonante ou asonante, que tanto lle daba, maioritariamente satíricos, escasamente laudatorios, de extraordinaria calidade todos.” (Alfredo Conde: Memoria de Noa)

“Sendo aínda un rapaz acabado de licenciar en Farmacia, publicou [...] un soneto en hendecasílabos de rima consonante abrazada ...” (Emilio Xosé Insua: Sermos Galiza 17-08-2012)

* As citas da Palabra do Día respectan as escollas ortográficas e morfolóxicas da edición referida.