Arma branca coa punta moi afiada, que pode levarse agochada no interior dun bastón.
Etimoloxía
Considérase que nos chegou a través do francés antigo estoc ‘punta da espada’.
Exemplos *
“Así que non tiña a espada a man, pero si un temíbel bastón. ¿Hai algo máis arrepiante que un neno perseguido por un toureiro rengo cun bastón de estoque?” (Manuel Rivas: Os libros arden mal)
“Polo visto don Juan levaba sempre un bastón de estoque ...” (Ánxel Fole: Á lus do candil)
* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.
