Bóveda celeste, onde están os astros.
Etimoloxía
Termo de orixe latina firmamentum, –i 'apoio' ou 'fundamento' inda que parece ser que é produto dunha mala tradución ao grego do termo hebreo raqia que significaba 'extensión' e se confundiu con 'solidez'.
Exemplos *
"Un sol poñente limpara de nubes o firmamento." (Carlos G. Reigosa: Narcos)
"Tirou o feixe ó chan e correu onda el coma unha tola ou tal vez coma unha estrela fugaz perdida no firmamento." (Beatriz Dacosta Molanes: Casca de noz)
* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.
