magma

Masa mineral pastosa que se forma no interior da codia terrestre, nunha zona de altas temperaturas e fortes presións, que ao arrefriar dá lugar ás rochas magmáticas.

Etimoloxía

Vén desde o grego magma –atos ‘pasta’.

Exemplos

“É interesante lembrar que en determinadas zonas dos fondos oceánicos, nos límites das placas, existe emisión de magma procedente do interior do planeta.” (Xaquín Penas Patiño: A arca de Noé)

“... as enormes presións e temperaturas alcanzadas provocaron a fusión das rochas. Ó solidificar este magma formáronse os granitos, que son as rochas máis comúns da costa occidental galega ...” (Óscar Pazos: Xeografía física do litoral)