malva

Malva
Malva

Planta ventureira da familia das malváceas, da que existen diversas especies, que pode alcanzar unha altura considerable, con flores, polo xeral, de cor violeta clara, rosa ou branca.

Etimoloxía

A denominación que tiña no latín coincide coa nosa.

Exemplos *

“Xuntamente coa malva, uña de cabalo e unha especie de sempreviva forman as catro flores pectorais coas que se preparaba unha tisana para combater catarros pulmonares, tose e bronquite …” (Pilar Antelo Docampo e Xaquín Penas Patiño: As plantas medicinais)

“… só o xeranio e o gladíolo aturan o abafo estival; os sombreados polos muros, onde crece a malva real, que require un trato esmerado …” (Roberto Salgueiro: Eliana en ardentía ou Bernardo destemplado)

* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.