Danza tradicional galega, con diversos puntos, que executan unha ou máis parellas soltas.
Etimoloxía
Deriva de muíño, tomado do latín (saxum) molinum ‘moa’.
Exemplos *
“Eu non entendo o nacionalismo como negarlles nada ós outros, nin pensar que a gaita é o mellor instrumento do mundo e a muiñeira a mellor danza …” (Miguel Vázquez Freire: Anxos en tempo de chuvia)
“… o home que levantaba paixóns, que falaba co corpo todo, bailador garrido, facendo puntos de muiñeira.” (Xurxo Souto: Tempos Novos 02-1998)
* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.
