noticiario

Programa de radio ou televisión en que se emiten noticias.

Etimoloxía

Termo derivado sobre a palabra “noticia”, que vén do latín notitia, -ae ‘notoriedade’.

Exemplos *

“Por riba da cara enxoita daquel vello do noticiario, o rostro que a ela lle viña unha e outra vez á cabeza era o de Gerda.” (Carlos Casares: Deus sentado nun sillón azul, 1997)

“Un noticiario amosaba imaxes aéreas do rescate dos tripulantes dun barco en medio dun temporal.” (Domingo Villar: A praia dos afogados, 2009)

* As citas da Palabra do Día respectan as escollas ortográficas e morfolóxicas da edición referida.