Liña curva en que cada un dos puntos está situado a igual distancia dun punto fixo, o foco, e dunha recta, a directriz.
Etimoloxía
Procede do grego parabolé, formado a partir de para 'á beira de' e bolé 'lanzar', segundo se indica, pola semellanza da figura coa que describe unha pedra cando a lanzamos.
Exemplos *
"Decidiu converte-la hipótese nunha espiral ascendente e a piques estivo de se decantar por unha parábola, pero non o fixo." (Alfredo Conde: A casa de Adara)
"… vai de abaixo cara a arriba describindo unha parábola perfecta." (Mar Guerra: O Correo Galego 15-02-1995)
* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.
