(Fringilla coelebs) Paxaro da familia dos frinxílidos do tamaño dun pardal, de plumaxe cinsenta na cabeza, castaña no dorso e parda na cara, papo e peito, o macho, e parda tirando a verde no dorso, máis clara no peito, a femia.
Etimoloxía
Apúntase que se trate dunha onomatopea.
Exemplos *
“”Pimpín por aquí non vin”, seica dixera o paxariño deste nome cando os verdugos de Cristo querían atopalo a este.” (Vicente Araguas: Xuvia-Neda)
“Subitamente a dous pasos deles descubriron un paxaro de peteiro curto e afiado que cantou alegre. Era un pimpín, que ollaron con dozura, que saltaricou e lles deu ánimo.” (Bernardino Graña: Protoevanxeo do neto de Herodes)
* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.