Proceso de recuperación da lingua e da cultura galegas iniciado na segunda metade do século XIX.
Etimoloxía
A palabra deriva do verbo rexurdir formado sobre xurdir que procede do termo latino surgere 'erguer'.
Exemplos *
"O provincialismo _desterrados ou exiliados os seus líderes_, refúxiase, como será constante histórica tralo fracaso político, nas catacumbas da cultura dando orixe, nesta segunda fase, ó Rexurdimento ou renacemento cultural e literario." (Xosé Chao Rego: Para comprendermos Galicia)
"Dalgúns destes talleres saíron varias das obras máis importantes do noso Rexurdimento cultural" (María Dolores Cabrera: Editar en Galicia)
* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.