Baile de parella, de orixe arxentina, que ten un ritmo lento e cadencioso.
Etimoloxía
Do español de Bos Aires tango que, á súa vez, remite á denominación dun tambor africano que se usaba nos seus bailes.
Exemplos *
"O bailador de tangos e solícito conversador que danzaba o tango máis fermoso no medio da primavera que chovía nos cristais sen brillo." (Xosé Carlos Caneiro: Ébora)
"Lembras o día no que me dixeches que querías bailar un tango?" (Teresa González Costa: Sempre quixen bailar un tango)
* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.
