Diversión ou festa improvisada e desordenada
Etimoloxía
Pénsase que ten relación con “trangallo” e este deriva de “tranca”, probablemente prerromana e celta, de *tranca ou *taranca ‘barra de ferro’ ou ‘caravilla’.
Exemplos *
“...porque estes días que ando de trangallada cos compañeiros mesmo parece que todo me vai mellor.” (Manuel Anxo Laxe Freire: Loita e morte, 1986)
“Se queres trangallada vaite para arriba , eu non teño gana de leria.” (Bieito Iglesias: A historia escríbese de noite, 2001)
* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.