Conduto por onde circula a urina desde a vexiga ata o exterior.
Etimoloxía
A denominación deste conduto procede do grego ourethra –as, aínda que nos chegou desde o latín.
Exemplos *
“… procedín ó recoñecemento e comprobei que a agulla entrara co couce polo meato e seguindo pola uretra chegara ó fondo da vexiga.” (Manuel Reimóndez Portela: Un médico na aldea)
“… as hemorraxias poden aparecer por certas doenzas con erupción cutánea: verrugas na entrada da vaxina, pólipos no pescozo do útero ou na uretra, tumores da matriz …” (Elisardo Bralo Rego: Medicina natural popular e caseira)
* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.
