Desde o comezo de 2017 o Dicionario leva 15 millóns de buscas

Hoxe, 31 de outubro, superaremos o número de 15.000.000 de buscas desde comezo de ano, unha cifra contundente que demostra unha crecente e fortísima demanda social de ferramentas na nosa lingua. En 2013, a Academia estreou a versión electrónica do Dicionario e desde entón a cifra de uso non fixo máis que medrar de maneira exponencial. Se consideramos os datos referidos aos dous últimos anos, comprobamos que das 14.400.000 buscas en 2016, este ano é probable que cheguemos aos 19 millóns,  xa que a día de hoxe, 31 de outubro, temos máis de 15 contabilizados.

O Dicionario electrónico está dispoñible na web da Academia e na do Portal das Palabras, así como nos experimentais DicionarioLab e o bot do messenger de Facebook. A maiores, tamén se poden utilizar as aplicacións para móbiles Android e iOs, que superan entre as dúas plataformas o número de 69.000 descargas.

Neste momento, o Dicionario xa non é só unha fonte de consulta; é máis ben unha ferramenta de traballo para un gran número de persoas. Chégase a este punto despois de anos de esforzo, de innovacións, un tempo en que tamén se formou ao redor do Dicionario unha comunidade cooperativa e dinámica, composta por quen cada día envía os seus comentarios e propostas, o que enriquece considerablemente o traballo lexicográfico, xerando un espazo de actualización permanente, á altura das necesidades da sociedade á que vai dirixido.

Parabéns e grazas.

Palabras traballadas

Todos os termos que traballamos, fóra das Palabras do día, ordenados alfabeticamente.

Ver

Palabras do día

Unha palabra cada día dos 365 do ano, ordenadas alfabeticamente ou por data.

Ir

Axúdasnos a mellorar? Pechar

A túa opinión impórtanos. Queremos saber como usas o Portal das Palabras, que che gusta máis e se botas algo en falta.

Enredarache moi pouco tempo!.

Cubre a enquisa aquí