A Fundación Rosalía de Castro puxo en marcha, desde hai anos, unha proposta culinaria para o aniversario do nacemento de Rosalía consistente na preparación do “Caldo de Gloria”. Esta iniciativa está inspirada no poema “Miña casiña, meu lar” na que a poeta explica como facer un caldo humilde e no que se relata como unha muller pobre, a pesar de que carece de todo e de que os seus avaros veciños lle negan o que lles sobra, consegue o milagre da supervivencia: facer un humilde caldo de gloria e un bolo do pote.
Nós cociñar non podemos, mais para celebrarmos o Día de Rosalía desde o Portal das Palabras preparamos unha serie de contidos que ela nos inspirou ao longo do tempo, inda que non temos a súa mestría coas palabras, claro. Se vos interesa algún, reunímolos na seguinte ligazón:
