acariñar

Facerlle caricias a alguén.

Etimoloxía

Deriva de cariño, que inicialmente tiña un sentido próximo á nosa morriña e procede do verbo latino carere 'carecer'.

Exemplos *

"O Director sorriu con amplitude, dándolle confianza, e a piques estivo de lle acariñar a caluga como se fai cun fillo moi pequeno e moi perdido." (Francisco Castro: Spam)

"E non deixaba de acariñar, moi amodo e dun xeito algo distante, a cara, agora violentamente rubia, do acovardado rapaz." (Paco Martín: A bisneta lercha)

* As citas da Palabra do Día respectan as escollas ortográficas e morfolóxicas da edición referida.