achegado -a

Persoa que está unida a outra por lazos de parentesco, amizade, achego ou outros vínculos.

Etimoloxía

Procede do participio do verbo latino applicare 'achegar'.

Exemplos *

"Era, teimou, unha mísera cabana, outrora refuxio de traballos nas chousas do lado, agora acubillo dos seus achegados." (Xabier Quiroga: Atuado na braña)

"A nivel persoal e social, o móbil permítenos estar en continua relación cos achegados …" (Galicia Hoxe 26-02-2005)

* As citas da Palabra do Día respectan as escollas ortográficas e morfolóxicas da edición referida.