Exemplos ^*

“Dóenme xa os ollos e as mans / de tantos adeuses... / Ás veces un home nace para a dor / e para sentir aló no peito / o eco esmorecido / de voces e nomes / que foron morrendo...” (Salvador García-Bodaño: Ao pé de cada hora, 1967)

“Os rapaces que o viñeran despedir camiñaban xa polo peirao rumbo a Curro e xiraban a cabeza de vez en cando para volver a erguer os brazos dándolle un novo adeus ao mestre que, naquel intre, xa estaba dominado pola nostalxia e empezaba a lembrar, como se dunha película se tratase, o vivido naquela illa.” (Julio Santos Pena: Ons no meu corazón. Vivencias de tres anos da miña vida como mestre na Illa, 2018)