adiposidade

Acumulación de graxa no tecido celular, en particular cando se localiza nunha zona determinada

Etimoloxía

Vocábulo derivado co sufixo –dade sobre “adiposo” que remite ao latín adeps, adipis ‘graxa’.

Exemplos *

“Agora hai que ter un corpo modelado, perfecto: delgadísimo pero con musculatura e vigor. Toda adiposidade está definitivamente proscrita.” (Mónica Sabbatiello: O Correo Galego, 24-2-1996)

“Nunca se fixara que, detrás daquelas actuais adiposidades, que detrás daquela gordura incipiente e daquel rostro fatigado, aniñara a beleza.” (Román Raña: O crime da rúa da moeda vella, 1993)

* As citas da Palabra do Día respectan as escollas ortográficas e morfolóxicas da edición referida.

Axúdasnos a mellorar? Pechar

A túa opinión impórtanos. Queremos saber como usas o Portal das Palabras, que che gusta máis e se botas algo en falta.

Enredarache moi pouco tempo!

Cubre a enquisa aquí