afinar

Cantar ou tocar nun ton debido.

Etimoloxía

Formouse a partir do adxectivo fino, probablemente influenciado polo francés affiner 'facer máis puro'.

Exemplos *

"Cruzou polo ar unha parella de vichelocregos. As calandras afinaron as gorxas …" (Hixinio Puentes: Aguillóns de Ortegal)

"Unha tardiña na que tocaba concerto, xa os grilos afinando as ás baixo o sol pexego, Carrapuchiña chegou a unha carballeira estrañamente tomada pola néboa." (Xabier López López: Biff, bang, pow! Novela case negra)

* As citas da Palabra do Día respectan as escollas ortográficas e morfolóxicas da edición referida.