afonía

Doenza da gorxa que provoca a perda temporal da voz

Etimoloxía

Cultismo que remite ao grego aphonía que significaba ‘perda de voz’.

Exemplos *

“Dentro, a discusión continuaba a berros, reiterativa como o son dunha fervenza. Só a afonía e o esgotamento de ambos marcou a fin da desputa.” (Xosé Antonio Moreno: O cable inglés/ As fotos, 1995)

“A min, xa nada podían facerme. Tiveron que darme hipnóticos para que non perdese a calma, apócemas misteriosas que sandaban a afonía e facían que o doente que berraba seguise tendo voz cando xa non tiña palabras.” (Teresa Moure: Herba Moura, 2007)

* As citas da Palabra do Día respectan as escollas ortográficas e morfolóxicas da edición referida.

Axúdasnos a mellorar? Pechar

A túa opinión impórtanos. Queremos saber como usas o Portal das Palabras, que che gusta máis e se botas algo en falta.

Enredarache moi pouco tempo!.

Cubre a enquisa aquí