alfabeto

Serie ordenada das letras que representan os sons dunha lingua.

Etimoloxía

Chegounos desde o latín, pero procede do grego alphabetos, -ou, formado a partir das dúas primeiras letras, alpha e beta.

Exemplos *

"Para outros, Hermes é simplemente un personaxe humano, un rei antigo, inventor das ciencias e do alfabeto, o primeiro sabio." (Mª Xosé Queizán: Amantia)

"Si, frei Chícharo, sei ler, aínda que polo de agora só no alfabeto hebraico e no grego." (Alfonso Álvarez Cáccamo: O espírito de Broustenac)

* As citas da Palabra do Día respectan as escollas ortográficas e morfolóxicas da edición referida.

Axúdasnos a mellorar? Pechar

A túa opinión impórtanos. Queremos saber como usas o Portal das Palabras, que che gusta máis e se botas algo en falta.

Enredarache moi pouco tempo!

Cubre a enquisa aquí