Pequena alteración da saúde, crónica e de escasa gravidade.
Etimoloxía
Tomouse do árabe an-nafah, que denominaba inicialmente un tumor propio dos cabalos.
Exemplos *
“... fuxira eu coma da peste buscando o automatismo, queréndome comportar coma se os alifafes da miña enfermidade non volveran marcarme a pel, non regresara a conciencia febril do pesadelo.” (Xabier López López: O caderno)
“... a Elisarda aproveitaba para disparar todo o seu arsenal de enfermidades, diversos alifafes, achaques, xaquecas e mil e unha variantes psicosomáticas ...” (Henrique Dacosta: Unha mada de doce relatos)
* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.
