alpargata

Tipo de calzado de lona grosa coa sola de goma, cánabo ou esparto.

Etimoloxía

Tomouse do árabe al-pargat 'chinela'.

Exemplos *

"Silvano facía por gardar, engurrándoa cara atrás, a deda do seu pé esquerdo que aparecía por un furado da vella alpargata." (Paco Martín: A bisneta lercha. Contos de sempre para ler hoxe)

"Algúns, confiando en que non volvese chover, utilizaban alpargatas de esparto." (Xoán Bernárdez Vilar: No ano do cometa)

* As citas da Palabra do Día respectan as escollas ortográficas e morfolóxicas da edición referida.