O que obra con altruísmo
Etimoloxía
Préstamo procedente do francés altruiste de significado semellante.
Exemplos *
“Creo que non lle debería complicar tanto a vida con esta historia que lle estou comezando a imaxinar, sendo como vai ser un bo tipo, un home de corazón, altruísta, desinteresado.” (Manuel Portas: Un dedo manchado de tinta, 2011)
“E estando xa xubilado, coidou durante moitos anos as insuas de maneira altruísta.” (M. de Bran: Galicia Hoxe, 7-11-2010)
* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.
