andanza

Viaxe ou expedición en que se percorren diferentes lugares

Etimoloxía

Palabra derivada sobre o verbo “andar” que vén do latín ambulare ‘camiñar’ ou ‘pasear’.

Exemplos *

“A miña tía Victoria, antes de morrer, legoume en vida a cabeza reducida dun indio xíbaro, recordo das andanzas  (...)  do seu home en terras amazónicas cando a apoteose do caucho.” (Paco Carro:Tempo ordinario (Historias de Compostela) / Benito, 2014)

“Só para contrarialo, contaba el, ingresara no exército, o que propiciara as súas andanzas polo mundo.” (Teresa Moure: Herba moura, 2007)

* As citas da Palabra do Día respectan as escollas ortográficas e morfolóxicas da edición referida.