anhídrido

Composto derivado dun ácido por eliminación de auga.

Etimoloxía

Puido chegar desde o francés anhydride, formado a partir do grego hydor –atos ‘auga’.

Exemplos *

“… acharon un portelo na tapia do camposanto, aberto por unha das frecuentes explosións das bombonas de anhídrido carbónico alí almacenadas.” (Bieito Iglesias: Vento de seda)

“Esta modificación provocaría importantes variacións nas emisións gasosas á atmosfera, por canto non se produciría anhídrido sulfuroso, nin partículas en suspensión, e reduciría considerablemente o dióxido de nitróxeno emitido.” (O Correo Galego 31-05-1999)

* As citas da Palabra do Día respectan as escollas ortográficas e morfolóxicas da edición referida.