Chaqueta con carapucha, feita de fibra e acolchada
Etimoloxía
Préstamo do francés anorak e este foi tomado da lingua dos inuits, onde tiña o mesmo significado.
Exemplos *
“Aghora imos, que vai empezar o partido _aprema Manolo póndose con dificultade o anorak que o convertía nun oso.” (Mª Xosé Queizán: Ten o seu punto a fresca rosa, 2000)
“Fíxome poñer dous pares de carpíns e unha camiseta de felpa, e por riba a camisa, e por riba da camisa un xersei, e por riba un anorak.” (Manuel Darriba: Brais e os demais, 2010)
* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.
