apelido

Nome de familia que se transmite de pais a fillos.

Etimoloxía

Procede de apelidar e este do latín appellare que significaba 'chamar repetidamente'.

Exemplos *

"O apelido nunca serve para nada, o único necesario é ter un nome e eu teño un ben sonoro e altivo: Priorato." (Xosé Carlos Caneiro: Ébora)

"Moitos nomes de parroquias incorporáronse tamén ó repertorio antroponímico galego baixo a forma de apelidos toponímicos" (Gonzalo Navaza Blanco: A parroquia en Galicia: pasado, prresente e futuro. Parroquias e toponimia)

* As citas da Palabra do Día respectan as escollas ortográficas e morfolóxicas da edición referida.