astronave

Nave para viaxar polo espazo.

Etimoloxía

Neste caso, os elementos cos que se formou foron astro e nave, esta procedente do latín navis, -is.

Exemplos *

"… non hai evidencia seria ningunha desas "visitas" intermitentes a cargo de estrambóticas astronaves, popularizadas pola sub-literatura de ciencia ficción e o xornalismo sensacionalista …" (Arturo Lezcano: Os dados de Deus)

"Formando parte dun desfile incrible de máquinas do tempo, astronaves habitadas, formigas xigantes, ou mesmo un rinoceronte que navegará polo río …" (Carlos Blanco Vila: Tempos Novos 05-1998)

* As citas da Palabra do Día respectan as escollas ortográficas e morfolóxicas da edición referida.