avea

(Avena sativa) Planta da familia das gramíneas, de talo oco, delgado e alto, no extremo do cal hai unhas ramiñas con espigas moi pequenas que poden ter de dúas a nove flores.

Etimoloxía

Chegou da forma latina para designar esta planta,  avena, -ae.

Exemplos *

"A festa rememora o labor que secularmente se ralizou á man e no que participaban todos os veciños para mallar trigo, centeo ou avea." (A Nosa Terra 15-01-2009)

"A Isabel estaba segando avea, desa que medra na veiga, entre a horta." (Xosé Manuel Martínez Oca: Náufragos en terra)

* As citas da Palabra do Día respectan as escollas ortográficas e morfolóxicas da edición referida.