Planta herbácea da familia das liliáceas, de bulbo e follas radicais, de onde sae un talo ergueito, no extremo do cal están as flores, xeralmente brancas, grandes e de moito recendo
Etimoloxía
Palabra que vén do árabe hispánico asussána, este termo chega do árabe clásico sūsanah ‘lirio’. O nome científico da planta Lilium candidum.
Exemplos *
“Baste desir que, xuntiñas / todas na porta da igrexa, / máis bonitas parecían / qu'un ramiño de asucenas.” (Rosalía de Castro: Cantares gallegos, 1863)
“Entre os soldados que soñan con azucenas brancas e os amantes separados por un fusil, entre os fillos de dous pobos que non terán a oportunidade de nacer, albiscamos a idea que o poeta ten da patria.” (Mario Regueira: Sermos Galiza, 7-9-2012)
Imaxes tiradas d'O Herbario de Rosalía’ (Fundación Rosalía de Castro, 2022)
* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.
