Bálsamo aromático que se extrae por incisión da casca de dúas árbores da familia das estiracáceas, orixinarias do sueste asiático, utilizado en perfumaría e en medicina
Etimoloxía
Parece que é unha denominación árabe luban jaui ‘incenso ou resina de Xava’.
Exemplos *
“Pódese preparar unha tintura con cantárides e benxuí a partes iguais para aplicar tres veces ó día” (Elisardo Bralo Rego: Medicina natural popular e caseira, 1990)
“Todo será benxuí, olibán, mirra, incenso,// e sempre cara ti cima branca e nevada” (Charles Baudelaire: As flores do mal [trad. de Gonzalo Navaza, 2008])
* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.
