De cor clara, por oposición a outras máis escuras da mesma clase
Etimoloxía
Procede do xermánico blank ‘claro’, en substitución do albus latino.
Exemplos *
“A Pura trouxo do bodegón unha xerra de viño branco e pousouna no hul a cadros vermellos, sóbor da mesa.
– Vén fresquiño, Brais. Agora che dou un vaso.
– Dáme dous.” (Manuel Casado: 1,2,3,4… Trancos da vida do Braisiño, 1970)
“Aquelo era unha ringleira de pratos que daría envexa ó mesmo Lúculo. Todo era ben regado con viño tinto do Ribeiro e branco Albariño. Logo viñan os postres caseiros á base de flans e froitas escolleitas.” (Xerardo Díaz Fernández: Contos, 1985)
* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.