Libro que contén o esencial ou o resumo dunha materia que está contida noutro máis extenso.
Etimoloxía
Palabra de orixe latina breviarium, –i que significaba 'sumario', 'resumo' ou 'compendio'.
Exemplos *
"Pediulle ó tendeiro que lle vendese un daqueles breviarios." (Luís Manuel García Mañá: O lume de Santo Antón)
"A pasos decididos, paralelamente á varanda de mármore vello, camiñaba don Valentín Valente, lendo o seu breviario." (Antonio Rodríguez Baixeras: O rei dos ameneiros)
* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.
