calistro

Neve miúda ou sarabia, que cae acompañada de vento forte e frío

Etimoloxía

De orixe controvertida, crese que podería haber unha raíz gótica *kalist- ou *kalisk- ‘frío’ que daría pé a “calistro”.

Exemplos *

“Un calistro xélido maltrataba os escasos camiñantes que se aventuraban entre os charcos da capital do Deza, despeiteándoos sen dó aló por onde se metesen.” (Xabier Quiroga: Atuado na braña, 2002)

“(...) manda un calistro que mete a iauga atravesada e mesmo paresce que chove tanto por riba coma por baixo.” (E. Seijas Vázquez: Pequena estoria dun gran café, 1990)

* As citas da Palabra do Día respectan as escollas ortográficas e morfolóxicas da edición referida.

Axúdasnos a mellorar? Pechar

A túa opinión impórtanos. Queremos saber como usas o Portal das Palabras, que che gusta máis e se botas algo en falta.

Enredarache moi pouco tempo!

Cubre a enquisa aquí