campo de concentración

Recinto onde se teñen recluídas certas persoas, especialmente as consideradas perigosas para o réxime político do país de que se trate.

Etimoloxía

Nesta expresión combínanse dúas palabras procedentes do latín, a primeira de campus, -i 'terreo extenso' e a segunda con raíz en centrum, -i 'centro'.

Exemplos *

"… viaxaba coa súa familia xudía amoreada nun tren para o gando rumbo ó campo de concentración de Dachau, que conta co triste mérito de ser o primeiro centro de exterminio do Terceiro Reich." (C. Novas: Galicia Hoxe 06-02-2005)

"Xuntos atravesaron a fronteira de Francia e xuntos foron recluídos no campo de concentración de Argelès." (Antón Risco: Tres situacións elementais)

* As citas da Palabra do Día respectan as escollas ortográficas e morfolóxicas da edición referida.