Exemplos ^*

“Nas dez horas seguintes, foi escrutado cada recanto da fragata, adega e camarotes, e o latrocinio amoreou un inventario de bocois, instrumentos náuticos, pedras preciosas, obxectos de prata... Puxéronlle ramo á pillaxe cunha farta no castelo de popa, a base de biscoito chacina e peixe-cabalo, de canadas de viño de Madeira, coa participación forzosa de mareantes e viaxeiros cativos anque a humillación e o medo a penas lles deixasen pasar bocado.” (Bieito Iglesias Araúxo: A vida apoteósica, 2001)

“Sen ir máis atrás, o derradeiro mercado caeron tres melros na taberna de Toñín, onde tamén se xuntaron outros paxaros da Puebla, e despois de meter no papo unhas tres canadas de viño quedaron trocados en homes bébedos.” (Varios: O tío Pepe, 1913)