Pequena cesta con asa, feita con vergas ou varas tecidas
Etimoloxía
Palabra que garda relación coa portuguesa caravela diminutivo do latín tardío carabus ‘embarcación de vimbios forrada de coiro’.
Exemplos *
“Chegaban as peixeiras, desde a boca do río. Andando. Ás veces, deixaban os burros nunha casa e ían camiñando a outras, e levaban o peixe no brazo, nun carabelo, se non era moito.” (Alba Díaz Geada: Textos marinas, marosas e maruxainas, 11-12-2020 en comunidadermpl.gal) [visto en 8-1-2026]
“Os longueiróns, menos abondosos, apáñanos só para comer (...). Navallas e ostras nesta zona non atopan. Para traer o marisco usan carabelos.” (Esperanza Piñeiro de San Miguel e Andrés Gómez Blanco, Ardentía, nº 4, 4-2007)
* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.
