carambelo

Capa de xeo que se forma sobre unha superficie líquida cando vai moito frío.

Etimoloxía

Procede do latín calamellus, diminutivo de calamus 'cana'.

Exemplos *

"O frío lañaba os beizos e transformaba o nariz nun carambelo morado." (Xoán Fuentes Castro: O pescador de cana)

"Xandón botoulle un caldeiro de auga -estaba fría como o carambelo– pola cabeza." (Xosé Fernández Ferreiro: A saga dun afiador)

* As citas da Palabra do Día respectan as escollas ortográficas e morfolóxicas da edición referida.