caravana

Vehículo ou remolque equipado como unha pequena vivenda.

Etimoloxía

A orixe desta voz está no persa karawan ‘recua de cabalarías’.

Exemplos *

“… mentres Mica durmía eu saín da caravana para ir dar a miña volta matutina en bicicleta.” (Teresa González Costa: A filla do ladrón de bicicletas)

“Tadeu vendera a casa e mercara unha enorme caravana. Eu, debo confesalo, pensei abraiado “¿Tadeu un hippy? ¡Por favor!”.” (Uxía Casal: Vidas exemplares)

* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.