carqueixa

Arbusto silvestre da familia das leguminosas, con moitos ramallos, flores amarelas e unha especie de alas que percorren o talo e que forman en cada nó tres pequenos dentes, ao cal se lle atribúen moitas propiedades medicinais

Etimoloxía

Indicar a súa orixe resulta controvertida, hai lingüistas que dan unha orixe latina e outros árabe.

Exemplos *

“Os meus devanceiros non eran xinetes nin tiñan espadas. Vivían en rompidos, entre fragas peches e vagoadas de carqueixas. Curaban o coxo, mazaban leite, puñan a carne de sal e gardaban unto e cazolos de pingo.” (Carmen Pereiras: Pequenos infinitos/ E se non fora porque é obriga, 2008)

“Pero máis ao fundo, no horizonte, novas siluetas tallaban o resplandor do ceu, montes vermellos de carqueixa, sombreados do negrar dos piñeirais.” (Luísa Villalta: As chaves do tempo, 2001)

* As citas da Palabra do Día respectan as escollas ortográficas e morfolóxicas da edición referida.

Axúdasnos a mellorar? Pechar

A túa opinión impórtanos. Queremos saber como usas o Portal das Palabras, que che gusta máis e se botas algo en falta.

Enredarache moi pouco tempo!

Cubre a enquisa aquí