Cuberta ríxida que protexe as engrenaxes e outras pezas contra a introdución de corpos estraños.
Etimoloxía
O nome desta peza procede do apelido do enxeñeiro inglés que a inventou, Harrison Carter.
Exemplos *
"… atadas con fíos ou achantadas no cárter do motor, as botellas agardaban o seu destino de feliz contrabando." (Xavier Paz: Follas de bacallau)
"Este modelo de 'fórmula un' estrea un novo motor […] En comparación coa versión anterior, a súa parte alta é totalmente nova, presenta un novo cárter cilíndrico e, ademais, unha nova central electrónica de inxección e central de datos." (O Correo Galego 06-02-1996)
* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.
