Derramar o gume dun instrumento cortante.
Etimoloxía
Provén da palabra latina caecare, derivado de caecus (‘cego’).
Exemplos *
“Quen menos se pensa cai, qu' o fío non se lle cega á negra fouce.” (Antolín Santos Mediante Ferraría: Escolma en galego de Asturias)
“Pra que a túa voz non pese no aire, cántas ferramentas se teñen cegado” (Luís Pimentel: Sombra do aire na herba)
* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.
