cerceta

Ave palmípede da familia dos anátidos, máis pequena ca o pato, da que existen distintas especies.

Etimoloxía

Considérase que provén dunha forma latina querquetula, para a que se propón unha orixe onomatopeica.

Exemplos *

"… viron tamén araos, pardelas, distintos corvos mariños, cercetas, e mergullóns, así como algunha solitaria foca no mar." (Xoán Bernárdez Vilar: A saga da illa sen noite)

"Cerceta […], de cor terrosa verde cinza; segundo Castroviejo, son aves tan fermosas que sente mágoa cando as ten mortas nas mans …" (Fausto Galdo: Abecedario das mantenzas)

* As citas da Palabra do Día respectan as escollas ortográficas e morfolóxicas da edición referida.