chairego -a

Persoa natural ou habitante da Terra Chá.

Etimoloxía

Deriva de chaira, e esta procede do latín planus, -a, -um ‘plano, nivelado’.

Exemplos *

“Eu son chairego. E chairegos son os meus” (Manuel María: Terra Chá)

“… Manuel María, […], andou á procura do misterio das doces augas miñenses e elas devolvéronlle a este inspirado chairego a refrescante humidade do seu enigma.” (Xosé Chao Rego: A meiga e os frades. Lenda do pedregal de Irimia)

* As citas da Palabra do Día respectan as escollas ortográficas e morfolóxicas da edición referida.