chirla

Molusco bivalvo da familia dos venéridos parecido á ameixa, de cuncha sólida, grosa, de perfil triangular e con estrías concéntricas

Etimoloxía

Crese que vén desde o éuscaro txirla e este do latín scilla ‘cebola mariña’.

Exemplos *

“Aproveitándose desta sona, "non hai mercado en España que non poña o cartel de Ameixas de Carril para facilita-la súa venda, cando na realidade son chirlas ou xaponesas "” (Fina Casalderrey e Mariano García: Festas gastronómicas de Galicia. Festas, receitas, calendario e puntos de interese turístico. 1994)

“E ademais controlábanche o tempo en cada fronteira. Era criminal. Andabamos a carretar mexillón para alá e chirla para Galicia. ¡Vaia historia! Había outros que levaban pedra do Porriño.” (Francisco Alonso: Trailer, 1992)

* As citas da Palabra do Día respectan as escollas ortográficas e morfolóxicas da edición referida.

Axúdasnos a mellorar? Pechar

A túa opinión impórtanos. Queremos saber como usas o Portal das Palabras, que che gusta máis e se botas algo en falta.

Enredarache moi pouco tempo!

Cubre a enquisa aquí