códice

Libro manuscrito en pergamiño no que se recollen obras antigas de importancia histórica ou literaria.

Etimoloxía

Termo culto que chega desde o latín codex, –icis 'libro', 'táboa sobre a que se escribía'.

Exemplos *

"Achegouno á luz, apartando as sedas, e Francisco puido ver que se trataba dun libro, un fermoso códice." (Marilar Aleixandre: Tránsito dos gramáticos)

"As rúbricas son ben difíciles, pero un pode traballar con códices terminados e listos para encadernar." (María Gándara: Magog)

* As citas da Palabra do Día respectan as escollas ortográficas e morfolóxicas da edición referida.